1. نزّل نسخة أفتر إفكتس من صفحة التحميل، فك الضغط وشغّل المثبّت.
2. افتح أفتر إفكتس (٢٠٢٤ أو أحدث)، ومن فوق: Window ← Extensions ← EditFast AE.
3. سجّل دخول بنفس إيميل وباسورد الموقع. ولو بريمير عندك على نفس الجهاز، الاشتراك بيعدّ الجهاز مرة واحدة.
4. اسحب اللوحة وحطها جنب الـ Composition عشان تفضل قدامك وإنت شغال.

مش محتاج تفتح «Allow Scripts to Write Files» في إعدادات أفتر إفكتس — اللوحة شغالة من غيرها.

1. افتح الكومب اللي هتشتغل عليه، وحدد اللاير لو الطلب عليه.
2. اكتب اللي عايزه بكلامك — مثلًا: «التايتل ده خليه يدخل بنطّة، وحط وراه زجاج».
3. اختار Flash للطلبات البسيطة وPro للحاجات الكبيرة، والرصيد جنبهم.
4. هو بيقرا الكومب، ويشتغل بأدوات اللوحة، وبيبص على فريمات من النتيجة ويصلّح. ولو هيشغّل سكربت بيوريهولك الأول.

كل اللي بيعمله خطوة Undo واحدة — Ctrl+Z بيرجّعه كله. ولو عايز يشتغل على نسخة من الكومب، فعّل السويتش اللي تحت الشات.

1. اختار اللاير اللي فيه الكلام، واللغة واللهجة، ودوس فرّغ الكلام.
2. اقف بالماوس على أي تمبليت عشان تشوفه بيتحرك بكلامك، واختار واحد من الـ١٦.
3. غيّر اللون والإطار والحجم من اللوحة، أو بعدين من نَل Captions Controls في الكومب — بيغيّر الكابشن كله مرة واحدة.
4. عايز تشيل الفواصل والنقط؟ دوس شيل علامات الترقيم، أو فعّل إنها تتشال لوحدها.

كل سطر لاير تكست حقيقي من اليمين للشمال — تقدر تعدّل كلمة فيه زي أي تكست. وتقدر تصدّر SRT.

1. حدد لاير تكست (أو أكتر) في الكومب.
2. اختار التبويب: دخول وخروج، كتابة وأرقام، لوب، أو إبراز.
3. اقف على الكارت تشوف الحركة على كلامك، ودوس عليه يتطبّق.
4. من الإعدادات: بالكلمة أو بالسطر، المدة، والفرق بين كل كلمة، والترتيب.

العربي بيتحرك بالكلمة عشان الحروف متتفكش. والحركة كلها على سلايدرز «EF Text» في Effect Controls تقدر تغيّرها بعدين.

1. حدد اللاير اللي عايز عليه الإفكت — أو متحددش حاجة والإفكت ينزل على Adjustment Layer للكومب كله.
2. اقف على الكارت تشوف أفتر إفكتس بيرسمه إزاي، ودوس يتطبّق.
3. الزجاج والليكويد جلاس بيبنوا لايرز حقيقية ونَل تحكّم فيه العرض والطول والبلور.
4. الانتقالات بتتحط على المؤشر، يعني على القطع بالظبط، وتظبط مدتها من اللوحة.

كل الإفكتات من إفكتات أفتر إفكتس نفسه — البروجكت بيفتح على أي جهاز من غير بلاجنز تانية.

1. حدد الكيفريمز (أو اللاير كله) واختار منحنى من الـ١٤ — أو اسحب المقابض في المحرر.
2. الأنكور بوينت: دوس على أي نقطة من التسعة واللاير مش هيتحرك من مكانه.
3. محاذاة وتوزيع، ونَل تحكّم للمتحدد، وستاجر، وفيد، وتقسيم عند المؤشر، وبري كومبوز.
4. والـ expressions الجاهزة: wiggle، لوب، bounce، inertia وغيرهم بضغطة.

1. اختار لاير المزيكا ودوس لاقي الضربات وحط ماركرز — التحليل على جهازك.
2. ظبّط الحساسية لو الماركرز كتير أو قليل.
3. اختار اللي يحصل على كل ضربة: هزّة، زووم، فلاش، جلو، RGB — أو قطّع صورك على الإيقاع.

1. كومب جديد بمقاس ريلز أو تيك توك أو يوتيوب أو بوست، بالـ fps اللي تختاره.
2. حوّل أي كومب لطولي: الفيديو يملا الشاشة، أو يقعد في النص ووراه نسخة مموّهة.
3. المناطق الآمنة لتيك توك وريلز وشورتس بتنزل Guide Layer — بتشوفها وإنت شغال ومبتطلعش في الرندر.

1. دوّر على لقطة أو صورة، ودوس إدراج — بتنزل في الكومب عند المؤشر ومظبوطة على المقاس.
2. المؤثرات الصوتية: اوصف الصوت وهو يتولّد ويتحط على المؤشر.
3. مكتبتك: فولدراتك إنت، ومشتركة مع لوحة بريمير.

1. رتّب في فولدرات: Comps وFootage وAudio وImages وSolids — واللي في فولدراتك مبيتحركش.
2. لاقي اللي مش مستخدم: بيعرضهولك، ومبيمسحش غير لما تقول.
3. رندر MP4 أو جودة عالية بضغطة، أو ابعته لـ Media Encoder، واحفظ الفريم اللي قدامك PNG.