مونتير بالـ AI بيمنتج الفيديو كامل جوّه بريمير من كلامك — يشيل التكرار والسكتات، يبدأ بهوك قوي، يحط كابشن ومشاهد متحركة وأصوات، ويلوّن الفيديو. ومعاه ١٧ أداة تانية بتسرّع كل خطوة.
بتشيل السكتات، وتفرّغ الكلام بلهجتك، وتنزّل الكابشن مظبوط على الكلمة، وتعمل حركة بكي فريمز تقدر تعدّلها. كله من لوحة واحدة، من غير ما تسيب بريمير.
اكتبله اللي عايزه بكلامك — يقرر الفيديو محتاج إيه، ويختار الستايل بنفسه، ويمنتج جوّه بريمير. وإنت بتتفرج.
مونتاج كامل، وإعلانات، وموشن من الصفر. دوس على أي فيديو عشان تسمعه.
مونتاج كامل
موشن جديد
موشن من الصفر
ريل إعلان
موشن جديد
موشن جديد
إعلانالترتيب زي ما هي في اللوحة بالظبط.
مونتير ذكي جوّه اللوحة. بتكتبله اللي عايزه، ويقرر كل فيديو محتاج إيه — يشيل التكرار والسكتات، يبدأ بهوك قوي، يعمل مشاهد متحركة، ينزّل كابشن وأصوات على الكلمة، ويلوّن الفيديو بعد ما يوريك كذا لون تختار منهم. وبيختار الستايل بنفسه حسب نوع الفيديو.
أكتر من ١٢٠ موشن عملها كريتورز بالـ AI، كل واحد بالفيديو والبرومبت بتاعه واسم صاحبه. تختار اللي عاجبك، وتكتب عايز تضيف أو تغيّر إيه — بالعربي، بألوانك، باسم قناتك — ويعملهولك EditFast AI في فيديوك. وبتعرف هيتكلّف كام كريديت بالكتير قبل ما يبدأ.
بيحلل صوتك على جهازك ببلاش — العلو والدوشة والزنّة والصدى والسين — ويقولّك بكلام بسيط. وبعدين EditFast AI يظبطه زي صوت الاستوديو: ينضّفه ويدفّيه ويوضّحه، ويظبط علوّه على المنصة (ريلز، يوتيوب، أو بودكاست). وبتسمع قبل وبعد قبل ما يتحط، والأصلي عمره ما بيتمسح.
بيسمع الصوت ويلاقي كل سكتة ويشيلها ويقفل الفراغ. تظبّط الحساسية، وتقدر تحط انتقال صوتي عند كل قصة عشان الوصلة متطقّش.
بيفرّغ الصوت بتوقيت لكل كلمة — مش لكل جملة. بتختار لهجتك من سبعة، والنص بيتصلّح إملائيًا بعده تلقائي.
الكلام بينزل على التايملاين كـ SRT تعدّله من تبويب Text عادي. تتحكم في عدد الكلمات والمدة، وفيه وضع كلمة واحدة في الكارت.
٢٨ قالب بيكتبوا كي فريمز حقيقية على الـ Transform — تفتحها في Effect Controls وتعدّلها. وفيها ٣ مستويات قوة.
٢٥ قالب تايتل جاهز. تختار واحد وينزل عند رأس التشغيل، وتعدّل نصه من Essential Graphics زي أي جرافيك.
دوّر على أي كلمة في الفيديو وهي توديك مكانها. وتطلّع فصول يوتيوب من الكلام، وتحط ماركرز على إيقاع الموسيقى.
دوّر على لقطات تغطية وصور وحطها على التايملاين على طول — من غير ما تفتح المتصفح ولا تنزّل ملفات.
بيقرا الكلام المفرّغ ويفهم بيحصل إيه، ويقترح مؤثر مناسب في كل لحظة ويولّده. بيفهم الكلام، مش بيدوّر على قمم صوت.
تكتب وصف الصوت اللي عايزه وهو يولّده — من غير ما تفضل تدوّر في مكتبات. اكتبه بالعربي وزرار واحد يترجمه للإنجليزي الأول، وده اللي بيطلّع نتيجة أدق.
بيحلل صوت كل كاميرا ويعرف مين بيتكلم، ويعمل خطة تبديل — تراجعها قبل ما تتطبّق.
بيمسح المشروع ويرتّب كل حاجة في مجلدات بالنوع، وبيوريك الخطة الأول قبل ما يلمس حاجة.
بيقرا الكي فريمز اللي على الكليب ويوريهالك كمنحنى، وتغيّر شكل الحركة كلها من غير ما تلمس كل واحد لوحده.
الساوند إفكتس والترانزيشنز والأوفرلايز بتاعتك، جوه اللوحة. ارمي الفولدر كله وهو يرتّبه لوحده حسب نوعه. حطّ الماوس على أي حاجة تشتغل تسمعها أو تشوفها، ودوسة واحدة تنزّلها على التايملاين.
اللقطة الطويلة مابتفضلش ثابتة: المقاس بيتغيّر مع كل جملة، يا بحركة خفيفة يا قطع على طول. كيفريمز على الـ Transform — التايملاين مش بيتلمس، وزرار واحد بيشيلها كلها.
شوف الفريم بشكل تيك توك وريلز وشورتس، واعرف لو الكلام هيستخبى تحت زراير المنصة — سواء التطبيق بالإنجليزي أو بالعربي. مفيش لاير بيتحط على الفيديو، ولا حاجة بتطلع في الإكسبورت.
صور حقيقية من الإضافة وهي شغالة. قلّب فيها بالسحب أو بالأسهم.
فويسات بعتهالنا عملاء بعد ما استخدموا البلاجن في شغلهم. دوس شغّل واسمع بنفسك.
سجّل واختار المدة، وهيوصلك مفتاح التفعيل بعد تأكيد التحويل.
فك الضغط ودوس دبل كليك على المثبّت — هو بيحط الإضافة في مكانها لوحده.
من بريمير: Window ← Extensions ← EditFast. سجّل دخولك بنفس الحساب واشتغل.
مفيش باقة ناقصة وباقة كاملة. أي مدة تختارها بتفتح الـ١٨ أداة كلها — والـ١٥ أداة مونتاج من غير أي حد على الاستخدام.
الكريديت للمونتاج بالـ AI بس. كل الأدوات التانية في البلاجن مفتوحة من غير حد.
بريمير برو ٢٠٢٢ فأحدث، على ويندوز وعلى الماك — آبل سيليكون وإنتل. لكل نظام مثبّت جاهز، من غير أي خطوات يدوية.
مونتير ذكي جوّه البلاجن. بتكتبله اللي عايزه بكلامك، وهو يبص على الفيديو ويستخدم اللي الشغلانة محتاجاه بس: يفرّغ، يشيل التكرار والسكتات، يبدأ بهوك قوي، يعمل مشاهد متحركة، ينزّل كابشن وأصوات على الكلمة، ويلوّن الفيديو — بعد ما يوريك كذا لون تختار منهم. بيختار الستايل بنفسه حسب نوع الفيديو، ولو حابب تحدد ذوقك تقدر مرة واحدة من زرار «ذوقك». بيوريك الخطة قبل ما يقص حاجة، وبيشتغل على نسخة من السيكوانس، فالأصل بتاعك بيفضل زي ما هو.
لأ. اللي بيعمله EditFast AI بس هو اللي بيستهلك كريديت — المونتاج بيه، ومعرض الموشن، وتظبيط الصوت — لأن كل طلب بيشغّل موديل ذكاء اصطناعي كبير؛ والـ١٥ أداة التانية من غير أي حد طول اشتراكك. الفيديو اللي مدته ٣٠ ثانية ممكن ياخد بين ٨٠ و٢٠٠ كريديت بمونتاج احترافي، حسب اللي بتطلبه. كل الباقات معاها كريديت هدية، وتقدر تزوّد باقة وقت ما تحب — حتى في نفس دفعة الاشتراك، وفيه عروض على الباقات الكبيرة. والكريديت مش بيتجدد كل شهر، ومبيخلصش بمرور الوقت.
لأ. التفريغ والمؤثرات الصوتية والبي-رول شغّالين من EditFast نفسها — مش محتاج تعمل حساب في أي خدمة ولا تحط أي مفتاح. ولو كنت حاطط مفتاح في نسخة قديمة، بيفضل شغّال.
التفريغ العربي بيطلع صح بحوالي ٨٥٪. يعني هتلاقي أخطاء بسيطة — أسماء، مصطلحات، وكلمة كل شوية — وده طبيعي ومتوقع، مش عطل: العربي بلهجاته أصعب على النماذج دي من الإنجليزي.
عشان كده الكابشن بينزل كـ SRT تعدّله من تبويب Text عادي، والتصحيح الإملائي بيشتغل عليه بعد التفريغ. المفروض تراجعه قبل التصدير زي ما بتعمل مع أي تفريغ.
دي كانت نقطة البداية أصلًا. بتختار لهجتك من سبع لهجات، والتفريغ بيرجع بتوقيت لكل كلمة — عشان كده الكابشن بيقعد مظبوط حتى لو قسّمته كلمة واحدة في الكارت. وفيه تصحيح إملائي بيشتغل على النص بعد التفريغ.
لأ. المشاريع والفيديوهات بتفضل على جهازك. التفريغ بيبعت الصوت بس، عن طريق سيرفرنا لخدمة التفريغ، ومبيتحفظش. ولما تطلب حاجة من EditFast AI بيتبعت اللي الطلب محتاجه بس — لقطات ثابتة والكلام، مش ملف الفيديو. والقص والتنظيم وقوالب الحركة بتشتغل على جهازك بالكامل.
السعر والمدة بس. الشهري والسنوي ومدى الحياة كلهم بيفتحوا نفس الـ١٨ أداة، من غير أي حد على الاستخدام، وبنفس التحديثات، وعلى جهاز واحد.
بتدفع مرة واحدة وميتطلبش منك تجديد. والتحديثات بتوصلك زي أي مشترك.
لو فيه مشكلة تقنية كلّمنا الأول وهنحاول نحلّها. ولو مقدرناش، بنرجّعلك فلوسك خلال أول ٤٨ ساعة.
بتعمل حساب، تختار المدة، وتحوّل على إنستاباي أو محفظة. بعدين تبعت صورة الإيصال على الواتساب ومعاها إيميلك، وتكتب رقم العملية في حسابك. بنراجعه وبيتفعّل المفتاح.
